Takim me Ambasadoren e Zyrës Ndërlidhëse të Greqisë në Kosovë
Kryetari i Bordit të AGK-së, Xhemajl Rexha, Drejtorja Ekzekutive, Getoarbë Mulliqi, dhe Koordinatorja e projekteve, Artiola Babuni, pritën sot në takim znj. Heleni Vakali, Ambasadore dhe Udhëheqëse e Zyrës Ndërlidhëse të Greqisë në Kosovë.
Gjatë takimit u diskutua për gjendjen e lirisë së shprehjes, pozitën e gazetarëve në Kosovë, dhe suksesin e Konferencës Rajonale për Gratë në Media, e mbajtur më 8 Mars në Prishtinë.
Një temë e veçantë e diskutimit ishte edhe Rrjeti i Grave Gazetare të Kosovës, iniciativë e re që synon fuqizimin dhe mbështetjen e gazetareve në vend.
Në takim gjithashtu u diskutua për mundësitë e vendosjes së marrëdhënieve me organizatat simotra në Greqi, për të ndarë përvoja dhe avancuar standardet profesionale, si dhe për sigurinë e gazetarëve në të dy vendet.
AGK falënderon znj. Vakali për interesimin dhe gatishmërinë për bashkëpunim në fushën e lirisë së medias dhe fuqizimit të rolit të gazetarëve.
