Pengohet në punë ekipi i Gazeta Ekskluzive
Asociacioni i Gazetarëve të Kosovës (AGK) është njoftuar për pengimin në punë të Benjamin Kurtit nga Gazeta Ekskluzive, nga drejtori i Ujësjellësit në Vushtrri, Sheqet Maloku.
Kjo ka ndodhur në ambientet e punës, kur ky zyrtar ka provuar t’ia marrë Kurtit telefonin, pas një pyetje për ankesat që kishin bërë qytetarët.
AGK-ja e dënon këtë sjellje të zyrtarit në fjalë dhe e konsideron të papranueshme, si dhe mirëpret reagimin e KRU Mitrovica për këtë incident.
